हामी सबैकाे संसारन्यूज

काठमाडौं । पूर्वराजा ज्ञानेन्द्र शाह दरबारबाट बहिर्गमन भएपछि पहिलो पटक सिंहदरबार पुगेका छन् । मंगलबार पृथ्वीनारायण शाहको जन्मजयन्तीका अवसरमा पूर्वराजा शाह सिंहदरबार पुगेका हुन् ।

मध्यान्ह १२ बजे समर्थनसहित पूर्वराजा शाह सिंहदरबार पुगेका थिए । उनले सिंहदरबार मुख्य गेटबाहिर रहेको पृथ्वीनारायण शाहको सालिकमा माल्यार्पण गरेका छन् ।

पूर्वराजा सिंहदरबार पुग्दा राष्ट्रिय झण्डा र पृथ्वीनारायण शाहको तस्बीर बोकेका समर्थकहरुले गणतन्त्र विरोधी नारा लगाएका थिए । ‘गणतन्त्र मुर्दावाद’ भन्दै उनीले ‘हाम्रो राजा हाम्रो देश, राजतन्त्र जिन्दवाद’ जस्ता नारा लगाएका थिए ।

यसअघि हिजै पूर्वराजा ज्ञानेन्द्रले वक्तव्य जारी गर्दै गणतन्त्रप्रति असन्तुष्टि पोखेका थिए । जनताको हित नगर्ने व्यवस्था जति उन्नत भए पनि त्यसलाई लामो समय अभ्यास गर्न नहुने उनको भनाइ थियो ।

वि.सं. २०६५ मा नारायणहिटी दरबारबाट बहिर्गमन भइसकेपछि ज्ञानेन्द्र एकपटक पनि सिंहदरबार छिरेका थिएनन् । बहिर्गमनको १३ वर्ष पछि उनी पृथ्वीनारायणको शालिकमा माल्यार्पण गर्न सिंहदरबार गएका हुन् ।