Sansar News
काठमाडौं । सुख्खा पहिरो खसेपछि अबरुद्ध भएको नारायणगढ–मुग्लिन सडक खण्ड सुचारु भएको छ ।
चितवनको ईच्छाकामना गा.पा. ६ नारायणगढ मुग्लिन सडक खण्डको कालिखोला भन्ने स्थानमा माथीबाट सुख्खा पहिरो झरी दुबै तर्फ बाटो अबरुद्ध भएपछि २ वटा जेसिवि प्रयोग गरेर पहिरो हटाइएको हो ।
बिहानैदेखि अबरुद्ध भएको सडक बिहान ११ बजे पहिरो पन्छाएपछि दुइतर्फ बाटो सुचारु भएको जिल्ला प्रहरी कार्यालय चितवनले जानकारी दिएको छ ।
प्रहरी कार्यालय चितवनले लामो समयदेखि सवारी साधन रोकिएर चाप बढेकाले सवारी विस्तारै चलाउन समेत अनुरोध गरेको छ ।
वि.सं.२०७८ माघ ७ शुक्रवार १२:२८ मा प्रकाशित
