हामी सबैकाे संसारन्यूज

काठमाडौं । नेकपा (माओवादी केन्द्र)ले केन्द्रीय समितिको बैठक बोलाएको छ । पार्टी अध्यक्ष पुष्पकमल दाहाल ‘प्रचण्ड’ले आइतबार सर्कुलर जारी गर्दै आगामी माघ २७ मा केन्द्रीय समिति बैठक बोलाएका हुन् । उक्त बैठकले पोलिटब्यूरो र बाँकी पदाधिकारीको चयन गर्ने प्रचण्डले जारी गरेको सर्कुलरमा उल्लेख छ ।

बैठकले महाधिवेशले पारित गरेको कार्यदिशाअनुसार कार्ययोजना निर्माण र तत्कालिन परिस्थितिको सन्दर्भमा अन्य निर्णयहरु लिने बताइएको छ । बैठकमा स्थानीय तह, प्रदेश र संघीय निर्वाचनबारे छलफल हुने उल्लेख छ ।

गत पुस ११ देखि १८ गतेसम्म सम्पन्न महाधिवेशनबाट माओवादीले केन्द्रीय समिति र अध्यक्ष मात्रै चयन गरेको थियो । माओवादीले विधानअनुसार थप ५३ केन्द्रीय सदस्य चयन गर्ने छ । साथै बैठकले पोलिटब्यूरो, स्थायी समिति र बाँकी पदाधिकारीको चयन गर्ने छ ।

माओवादीले विशेषतः पदाधिकारीमा निकै रस्साकस्सी छ । पदाधिकारी चयन निर्वाचन प्रक्रियाबाट हुनसक्ने सम्भावना बढेको बताइएको छ ।