हामी सबैकाे संसारन्यूज

२३ माघ, काठमाडौँ । इंल्याण्डलाई पराजित गर्दै भारतले यू-१९ एकदिवसीय विश्वकपको उपाधि आफ्नो नाममा गरेको छ । भारतले यू-१९ एकदिवसीय विश्वकपको फाइनल खेलमा इंल्याण्डलाई ४ विकेटले पराजित गर्दै उपाधि आफ्नो नाममा गरेको हो ।

फाइनलमा खेलमा टस जितेर पहिले ब्याटिङ्ग गरेको इंल्याण्डको टिम ४४.५ ओभरमा १८९ रन बनाएर अलआउट हुन पुगेको थियो । इंल्याण्डका लागि ब्याटिङ्गमा जेम्स रेउले सर्वाधिक ९५ रन बनाएका थिए । त्यसैगरी जर्ज थॉमसले २७, जेम्स सेल्सले ३४, रेहान अहमद र एलेक्स होर्टनले समान १०/१० रन बनाएका थिए । यी ५ खेलाडी बाहेका इंल्याण्डका अरु खेलाडीले दोहोरो अकंमा रन जोड्न सकेनन् । भारतका लागि बलिङ्गमा भने राज बावाले सर्वाधिक ५ र रवि कुमारले ४ विकेट हात पारेका थिए ।

इंल्याण्डले दिएको १९० रनको सामान्य लक्ष्य भारतले ४७.४ ओभरमा ६ विकेट गुमाएर पुरा गर्यो । भारतका लागि ब्याटिङ्गमा शेख रशीद र निशान्त सिन्धुले समान ५०/५० रनको अर्धसतकीय पारी खेलेका थिए । इंल्याण्डका लागि बलिङ्गमा जोशुआ बोइडेनले सर्वाधिक २ विकेट हात पारेका थिए

भारतले यो पाँचौँ पटक यू-१९ एकदिवसीय विश्वकपको उपाधि आफ्नो नाममा गरेको हो ।