हामी सबैकाे संसारन्यूज

२४ माघ, काठमाडौँ । भारत र वेस्टइंडिज बिचको पहिलो एकदिवसीयमा भारतले ६ विकेटले जित हासिल गरेको छ ।

टस हारेर पहिले ब्याटिङ्ग गरेको वेस्टइंडिजको टिम ४३.४ ओभरमा १७६ रन बनाएर अलआउट हुन पुगेको छ । वेस्टइंडिजका लागि ब्याटिङ्गमा जेशन होल्डरले सर्वाधिक ५७ रन बनाएका थिए भने फेबियन एलेनले २९, ड्यारेन ब्राभो र निकोलस पूरनले समान १८र१८, ब्रान्डन किंगले १३ र अल्जारी जोसेफले १३ रनको पारी खेलेका थिए । भारतका लागि युजवेन्द्र चाहलले घातक बलिङ्ग गर्दै सर्वाधिक ४ विकेट हात पारेका थिए । त्यसैगरी वाशिंगटन सुन्दरले ३, प्रसिद्ध कृष्णले २ र मोहम्मद सिराजले १ विकेट लिएका थिए ।

वेस्टइंडिजले दिएको १७७ रनको सामान्य लक्ष्य भारतले २८ ओभरमा ४ विकेट गुमाएर पुरा गर्यो । भारतका लागि ब्याटिङ्गमा कप्तान रोहित शर्माले ५१ बलमा ६० रनको विस्फोटक पारी खेलेका थिए । त्यसैगरी इशान किसनले २८, रिषभ पंतले ११, विराट कोहलीले ८, सूर्याकुमार यादवले ३४ र दिपक हुड्डाले २६ रनको योगदान दिएका थिए । बलिङ्ग तर्फ वेस्टइंडिजका लागि अल्जारी जोसेफलेले सर्वाधिक २ विकेट लिएका थिए ।

जितसँगै भारतले ३ खेलको एकदिवसीय श्रृखलामा १-० ले अग्रता लिएको छ ।