हामी सबैकाे संसारन्यूज

मुखमा भएका कोषहरु अनियन्त्रित रुपमा बढ्न थाल्ने र ती भागहरु असामान्य देखिन थाल्नु क्यासरका लक्षण हुन् ।

मुखका कोषहरुको वृद्धि भएपछि मुखमा गिर्खा आउनु, घाउ खटिरा हुनु तथा गिर्खाहरु फाल्दा पनि झन बढेर आउनुलाई क्यान्सर भएको मान्न सकिन्छ । तर, मुखको क्यान्सर भयो भन्दैमा आत्तिनु पर्दैन । त्यसको सहि उपचार गरेमा पूर्णरुपमा निदान गर्न सकिने पनि स्वास्थ्य विज्ञ बताउँछन् ।

कसरी हुन्छ त मुखको क्यान्सर ?
मुखको क्यान्सरका मुख्य कारणहरुमा सुर्तीजन्य पदार्थको सेवन क्यान्सर बनाउने हजारौ रासयन र ४५ तत्व, रक्सी पिउँदा क्यान्सर हुने सम्भावना १५ गुणा बढी हुन्छ । साथै शरिरमा आइरन, भिटामीन ए, ई र सीको कमी, दाँतको समस्या तथा फोहर मुख, विभिन्न भाइरल, व्याक्टेरियल र फङ्गल इन्फेक्सन, सुर्यको प्रकाशबाट निस्कने अल्ट्रभाइलेट विकिरण र एक्सरे पनि क्यान्सर रोगका कारण हुन् ।

यस्ता हुन्छन् लक्षण
मुखको क्यान्सरको कुनै चिन्ह वा लक्षण हुन्छ भनेर भन्न नसकिएपनि यसका लक्षण यसप्रकार हुन्छन् । जस्तै मुखमा दाग धब्बा वा पत्र देखिनु, स्वाद फरक पाउनु, घाँटीमा गिर्खाहरु देखापर्नु, नदुख्ने वा दुख्ने घाउँ खटिराहरु देखिनु, मसालादार खाना खाँदा पोल्नु, घाउ खटिराको आकार बढ्दै जानु, र्याल बढी आउनु, अस्वभाविवक रक्तश्राव हुनु, खान, निल्न र पिउन अप्ठेरो हुनुलगायतका लक्षणहरु देखिन्छन् ।

कसरी बच्ने त ?
क्यान्सर लाग्नबाट बच्नका लागि सुर्तीजन्य पदार्थको सेवन तथा मद्यपान नगर्ने, संक्रमणको उपचार गर्ने, दीर्घकालिन चोटपटक तथा घर्षणबाट मुक्त रहने, राम्रोसँग मुखको सफाई गर्ने तथा बेला बेलामा कुल्ला गर्ने, दाँतको समस्याको समयमा नै उपचार गर्ने, सन्तुलित खाना तथा हरियो सागपात र फलफूल खाने र अखाद्य तथा रसायनिक पदार्थको संसर्गमा नआउने गर्न सकियो भने क्यान्सरबाट बच्न सकिन्छ ।