Sansar News
काठमाडौं । अरुणाचल प्रदेशमा हिउँ आँधीपछि भारतीय सेनाको एक गस्ती दल नै बेपत्ता भएको छ । भारतीय सञ्चार माध्यमका अनुसार आइतबारदेखि ७ सैनिकको टोली वेपत्ता भएको हो ।
सञ्चारमाध्यमका अनुसार हराएका टोलीका कुनै सदस्यबारे पनि जानकारी प्राप्त भएको छैन् । टोलीसँग सम्पर्क हुन नसकेपछि विज्ञ टोली घटनास्थलमा खटाइएको बताइएको छ । विज्ञहरूले त्यो बेपत्ता टोलीको खोजी जारी राखेको सञ्चार माध्यमले बताएका छन् ।
अरुणाञ्चलका तवाङ र बोमडिला जस्ता उच्च पहाडी क्षेत्रमा हरेक वर्ष हिमपात हुने गर्दछ । तर, यसपटक भने उक्त क्षेत्रमा ३४ वर्षपछि सबैभन्दा बढी हिउँ परेको बताइएको छ ।
यसअघि २१ डिसेम्बरमा अरुणाचल प्रदेशको तवाङमा रहेको भारत–चीन सीमामा भारी हिमपात भएको थियो ।
वि.सं.२०७८ माघ २४ सोमवार १५:२४ मा प्रकाशित
