हामी सबैकाे संसारन्यूज

काठमाडौं । स्वास्थ्य तथा जनसङ्ख्या मन्त्रालयले छ जिल्लाका स्वास्थ्य कार्यालय र १०९ स्थानीय तहलाई खोपको विवरण पठाउन निर्देशन दिएको छ । मन्त्रालयले सोमबार सार्वजानिक सुचना जारी गर्दै भोलि बुधबार ३ देखि ४ बजेसम्ममा कोरोना भाइरसविरुद्धको खोपको विवरण उपलब्ध गराउन मातहतका निकायलाई निर्देशन दिएको हो ।

कोभिड-१९ विरुद्धको खोप अभिलेख सम्बन्धमा गठित छानबिन समितिले तोकिएको समयसिमाभित्र केही जिल्ला र स्थानीय तहले विवरण नबुझाएकाले उक्त निर्देशन दिएको हो । मन्त्रालयले खोपको एकीन तथ्याङ्क नभेटेपछि यही माघ १६ गते मन्त्रालयका प्रमुख विशेषज्ञ डा लोहनीको संयोजकत्वमा पाँच सदस्यीय छानबिन समिति गठन गरेको थियो ।

यसअघि समितिले यही माघ २१ गतेभित्र स्वास्थ्य सेवा विभागको व्यवस्थापन महाशाखा, सातवटै प्रदेशको स्वस्थ्य आपूर्ति व्यवस्थापन केन्द्र, ७७ वटै जिल्ला स्वास्थ्य कार्यालय, ७५३ वटै स्थानीय तहलाई खोपको मौज्दात र खोप लगाएका व्यक्तिको विवरण पठाउन निर्देशन दिएको थियो ।