हामी सबैकाे संसारन्यूज

काठमाडौं । बंगलादेश पढेका डाक्टरहरु शतप्रतिशत उत्तिर्ण भएका छन ।

माघ २१ र २२ गते नेपाल मेडिकल काउन्सिलले लिएको विशेषज्ञ चिकित्सक (पीजी) तहको लाइसेन्स परीक्षामा बंगलादेशबाट अध्ययन गरेका डाक्टर शतप्रतिशत उतिर्ण भएका हुन ।

सोसाइटी फर नेप्लीज डक्टर्स अफ बंगलादेशका अध्यक्ष डा दिनेश प्रसाद कोइरालाका अनुसार बंगलादेशबाट डाक्टरी अध्ययन गरेर आएका शतप्रतिशत उत्तीर्ण भएपछि उनीहरुले एकअर्कामा खुसी साटासाट गरेका छन ।

नेपाली कांग्रेसका युवा नेता एवं औषधि ब्यबशायी डाअबुल हुसैन अन्सारीले पीजी उत्तीर्ण गर्ने बंगलादेशबाट अध्ययन गरेर आएका चिकित्सक र अन्य सबैलाई बधाई एवम शुभकामना दिएका छन ।

यसैगरी सोसाइटी फर नेप्लीज डक्टर्स अफ बंगलादेशका संयोजक डा राकेश साहले प्रोफेसनल लाइफमा एक अर्काको साथ र सहयोगको भावना लिएर अगाडि बढ्नुपर्ने बताउदै यो परीणामले थप उत्साहित बनाएको जनाएका छन ।