Sansar News
काठमाडौं । नेपालमा पछिल्लो २४ घण्टामा २,४०१ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पिसीआर विधिबाट गरिएको १६ हजार ३५६ नमुना परीक्षणमा २,४०१ जना नयाँ संक्रमित थपिएका हु्न् ।
आज थपिएका २,४०१ जनासँगै नेपालमा हालसम्म कोरोना संक्रमित हुनेको संख्या ११ लाख ६ हजार ६१७ पुगेको छ ।
आज काठमाडौंमा ८९०, भक्तपुरमा २५ र ललितपुरमा १०२ गरी १०१७ जना संक्रमित भएका छन् । मंगलवारको तुलनामा परीक्षण गर्ने र संक्रमित हुनेको संख्या बढेको छ ।
त्यसैगरी पछिल्लो २४ घण्टामा ७ हजार ७७७ जना कोरोना संक्रमणबाट मुक्त भएका छन् । आज निको भएका ७ हजार ७७७ जनासँगै नेपालमा कोरोनाबाट मुक्त हुनेको संख्या ९ लाख २८ हजार ३६९ पुगेको छ ।
नेपालमा पछिल्लो २४ घण्टामा १४ जना कोरोना संक्रमितको मृत्यु भएको छ । आज थपिएका १४ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ८५२ पुगेको छ ।
त्यसैगरी हाल देशैभरी ३० हजार २४१ जना सक्रिय संक्रमित रहेका छन् । ती मध्ये होम आइसोलेशनमा २९ हजार ११७ जना र संस्थागत आइसोलेशनमा ११२४ रहेका छन् । ती मध्ये आइसीयुमा २४२ र भेन्टिलेटरमा ४२ जनाको उपचार भइरहेको छ ।
वि.सं.२०७८ माघ २६ बुधवार १७:११ मा प्रकाशित
