हामी सबैकाे संसारन्यूज

काठमाडौं । नेकपा एमालेले प्रधानन्यायाधीश चोलेन्द्रशमशेर जबराविरुद्ध दर्ता गरिएको महाभियोगको प्रतिवाद गर्ने भएको छ ।

एमाले अध्यक्ष केपी शर्मा ओलीको निवास बालकोटमा आइतवार साँझ बसेको एमालेको केन्द्रीय सचिवालयको बैठकले प्रधानन्यायाधिश जबराविरुद्ध सत्तारुढ गठबन्धनले षड्यन्त्रपूर्णक महाभियोग ल्याएको भन्दै त्यसको प्रतिवाद गर्ने निर्णय गरेको हो ।

बैठकले सत्तारुढ गठबन्धनका सांसदले प्रधानन्यायाधिश जबरविरुद्ध महाभियोग दर्ता गरेर लोकतन्त्र र सार्वभौमसत्तामाथि प्रहार तथा स्थानीय निर्वाचनलाई पछाडि धकेल्न षड्यन्त्र गरेको निष्कर्ष समेत निकालेको छ ।

नेकपा एमालेका महासचिव शंकर पोखरेलले बैठकपछि संचारमाध्यमसँग कुरा गर्दै भने– यो कदम नेपालमा सत्तापक्ष र प्रतिपक्षका बीचमा लामो समयपछि थालनी भएको संवादको प्रयासलाई विथोल्ने षड्यन्त्रका रुपमा आएको हामीले अनुमान गरेका छौं ।’

महासचिव पोखरेलले आफ्नो पार्टी र जनताको दबावमा भर्खरमात्र तय गरिएको स्थानीय निकायको निर्वाचनलाई पछाडि धकेल्ने षड्यन्त्र स्वरुप यो कदम चालिएको पार्टीको ठहर रहेको बताए ।

प्रधानन्यायाधीश राणाविरुद्व महाभियोग किन ? यस्ता छन् दलहरुले देखाएका २१ कारण (पूर्णंपाठसहित)