हामी सबैकाे संसारन्यूज

काठमाडौं । सभामुख अग्निप्रसाद सापकोटाको आव्हानमा आज दिउँसो सर्वदलीय बैठक बस्दैछ ।

सभामुख सापकोटाले पछिल्ला समयमा विकसित राजनीतिक घटनाक्रमका विषयमा छलफल गर्न आज दिउँसो २ बजे संसदमा प्रतिनिधित्व गर्ने दलहरुको बैठक बोलाएका हुन् ।

सिंहदरवारस्थित संसद सचिवालयमा बस्ने उक्त बैठकमा एमालेद्धारा गर्दै आएको संसद अवरोध खुलाउने तथा प्रधानन्यायाधिश चोलेन्द्र शमशेर जबराविरुद्ध दर्ता भएको महाभियोग प्रस्ताव प्रक्रियामा लैजाने विषयमा छलफल हुने बताइएको छ ।

प्रधानन्यायाधिश जवराविरुद्ध पाँच दलीय सत्तारुढ गठबन्धनका ९८ सांसदको समर्थनमा आइतवार विभिन्न २१ कारण देखाउँदै महाभियोग दर्ता गराएको छ । आइतबार बिहान गठबन्धनका ९८ सांसदको समर्थनसहित महाभियोग दर्ता गराइएको हो ।

त्यसैगरी एमाले विभाजन हुनुको मुख्यक कारक सभामुख अग्नि सापकोटा रहेको आरोप लगाउँदै एमालेले लामो समयदेखि संसद अवरुद्ध गर्दै सभामुखको राजिनामा माग्दै आएको छ।