Sansar News
काठमाडौं । नेकपा एमालेको संसदीय दलको बैठक बस्दै छ ।
आइतवार सत्तारुढ गठबन्धनभित्रका ९८ जना सांसदहरुले प्रधानन्यायाधीश चोलेन्द्र शम्शेर जबराविरुद्ध महाभियोग प्रस्ताव दर्ता गराएपछि उत्पन्न परिस्थितिका बारेमा छलफल गर्न एमालेले आज बिहान ११ बजे संसदीय दलको बैठक बोलाएको हो ।
बानेश्वरस्थित संसद भवनमा बस्ने उक्त बैठकमा संसदमा पछिल्लो राजनीतिक घटनाक्रम तथा संसदमा पार्टीले खेल्ने भूमिका लगायतका विषयमा छलफल हुने बताइएको छ ।
आइतबारै साँझ पार्टीका अध्यक्ष केपी शर्मा ओली निवास बालकोटमा बसेको केन्द्रीय समितिको बैठकले जबराविरुद्धको महाभियोग प्रस्ताव दर्ता विरुद्ध प्रतिवाद गर्ने निर्णय गरेको थियो ।
वि.सं.२०७८ फागुन २ सोमवार ०८:५७ मा प्रकाशित
