हामी सबैकाे संसारन्यूज

२ फागुन, काठमाडौँ । ओमानमा जारी चार देशीय टी-२० क्रिकेट श्रृखला अन्तर्गत नेपालले आज आफ्नो अन्तिम खेलमा आयरल्याण्डको सामना गर्दै छ ।

यस चार देशीय टी-२० क्रिकेट श्रृखलामा दुवै टिमले एक खेलमा जित र एक खेलमा हारको सामना गरेका छन । दुवै टिमले ओमान विरुद्ध जित निकालेका थिए भने युएई विरुद्धको खेलमा पराजित भएका थिए ।

यी दुई टिमबिच अहिलेसम्म २ खेल भएको छ जसमा आयरल्याण्डले दुवै पटक जित हासिल गरेको हो । चोटका कारण पहिलो र दोस्रो टि-२० अन्तराष्ट्रिय खेल गुमाएका कुशल भुर्तेल र करण केसीले आजको खेल खेल्ने सम्भावना उच्च रहेको छ । त्यसैगरी अविनाश बोहराले पनि आज प्लेइङ्ग-११ मा मौका पाउन सक्छन ।

यी दुई टिम बिचको खेल नेपाली समय अनुसार ३:४५ बाट सुरु हुनेछ ।

नेपालको सम्भावित प्लेइङ्ग-११
आसिफ शेख, कुशल भुर्तेल, ज्ञानेन्द्र मल्ल, दीपेन्द्रसिंह ऐरी, शरद भेषवाकर, कुशल मल्ल/आरिफ शेख, लोकेश बम, करण केसी, जितेन्द्र मुखिया, अविनाश बोहरा/साहब आलम, सन्दीप लामिछाने ।