हामी सबैकाे संसारन्यूज

२ फागुन, काठमाडौँ । साताको दोस्रो दिन सोमबार सेयर बजार (नेप्से) ० दशमलव ०८ अकंले बढेर समग्र परिसूचक २७०० दशमलव ९८ बिन्दुमा पुगेको छ । ठूला कम्पनीहरुकोे कारोबार मापक सेन्सेटिभ भने ० दशमलब ३६ अकंले घटेर ५११ दशमलब ३० बिन्दुमा पुगेको छ ।

आज कुल सूचिकृतमध्ये २२७ कम्पनीको ३ अर्ब ६८ करोड ४० लाख ९ हजार ९१५ रुपैंया बराबरको ७५ लाख ४९ हजार ७७९ कित्ता सेयर किनबेच भएको छ । तिनको कारोबारमा ४९ हजार ८ सय ८२ पटक लेनदेन भएको हो ।

कारोबार रकमको आधारमा नेशनल हाईड्रोपावर, नेपाल टेलिकम, अरुण भ्याली हाईड्रोपावर, अपी पवार, हिमालयन डिष्टिलरी लगायतका कम्पनीहरु शिर्ष स्थानमा रहे भने कारोबार संख्याको आधारमा नेशनल हाईड्रोपावर, एचआईडिसिएल, नेपाल इन्फ्रास्ट्रक्चर बैंक, अरुण भ्याली हाईड्रोपावर, अपी पावर लगायतका कम्पनीहरु शिर्ष स्थानमा रहे ।

आज सबैभन्दा धेरै कमाउनेमा बुद्धभुमी नेपाल हाईड्रोपावर, सर्पोट माइक्रोफाइनान्स, नेशनल हाईड्रोपावर, किसान लघुवित्त, नेपाल हाईड्रो डेभलपर्स लगायतका कम्पनीका लगनीकर्ताहरु परेका छन । त्यसैगरी आज सबै भन्दा धेरै गुमाउनेमा भने मैलुङ्ग खोला जलविद्यृत, प्रिमियर इन्स्योरेन्स, नेपाल इन्स्योरेन्स लगायतका कम्पनीका लगानीकर्ताहरु परेका छन ।