हामी सबैकाे संसारन्यूज

काठमाडौं । युएई सरकारको परिवर्तित नियम अनुसार अव काठमाडौं–दुबई यात्रा गर्नेहरुले ६ घण्टाभित्रको कोरोना भाईरसविरुद्धको र्यापिड परीक्षण गर्नु नपर्ने भएको छ ।

युइई जाने यात्रुहरुले यसअघि त्रिभुवन विमानस्थलमा उडान समयको ६ घण्टाभित्र गर्दै आएको उक्त परीक्षण १३ फेब्रुअरी, २०२२ ( फागुन १, २०७८) देखि हटाई सकिएको जानकारी आएको हो ।

नेपाल वायुसेवा निगमले यस सम्बन्धी जानकारी दिँदै अबका दिनमा निगमको जहाजबाट काठमाडौं–दुवई यात्रा गर्ने सम्पूर्ण यात्रुले उक्त परीक्षण गर्न नपर्ने जानकारी समेत गराएको छ ।

निगमका अनुसार उडान समयको ४८ घण्टाभित्रको पिसीआर रिर्पोट भने यथावत रहेको छ ।