हामी सबैकाे संसारन्यूज

काठमाडौं । प्रधानमन्त्री शेरबहादुर देउवा एमालेका अध्यक्ष केपी शर्मा ओलीलाई भेट्न बालकोट पुगेकाा छन् ।
एमसीसीका विषयमा सहमति जुटाउन बालुवाटारमा बिहिबार साँझ बसेको सत्तारुढ गठबन्धन दलको बैठक विना निष्कर्ष टुंगिएपछि प्रधानमन्त्री देउवा बालकोट पुगेकोे स्रोतले जनाएको छ ।

प्रधानमन्त्री देउवा एमसीसीका विषयमा सहमति जुटाउनका लागि बालकोट हिँडेको स्रोतले जनाएको छ ।

एमसीसी संसदमा टेबुल गर्ने विषयमा सत्तारुढ गठबन्धन दलभित्रै सहमति जुटाउने आजको प्रयास पनि असफल भएपछि प्रधामन्त्री देउवा ओलीलाई भेट्न बालकोट हिँडेका हुन् ।

एमसीसी परियोजना संसदमा टेवुल गर्ने विषयमा सत्तारुढ गठबन्धनभित्रै सहमति जुट्न नसकेको तथा माओवादी केन्द्रका अध्यक्ष प्रचण्ड र एकिकृत समाजवादीका अध्यक्ष माधव कुमार नेपालले एमसीसी टेबुल गर्नका लागि पहिले संसद अवरोध हटाउनु पर्ने र त्यसका लागि एमालेसँग संवादको पहल गर्न समेत प्रधानमन्त्रीलाई आग्रह गरेका थिए ।

त्यसैगरी कांग्रेस नेता मिनेन्द्र रिजाल एमाले अध्यक्ष ओलीलाई भेट्न बिहीबार बिहान ९ बजे बालकोट पुगेका थिए भने कांग्रेसका अर्का नेता ज्ञानेन्द्रबहादुर कार्कीले पनि ओलीसँग टेलिफोन संवाद गरेर एमसीसीलाई संसदमा टेवुल गर्न सघाउनका लागि संवाद अगाडि बढाएको बताइएको छ ।

नेता रिजाल र कार्कीसँगको संवादमा अध्यक्ष ओलीले सत्ता गठबन्धनको बैठकको निर्णयपछि नै आफुले यसबारेमा संवाद अगाडि बढाउने बताएको जनाइएको छ ।

एमसीसी परियोजना शुक्रवारको प्रतिनिधिसभाको बैठकमा टेवुल गर्ने अडान राख्दै आएका प्रधानमन्त्री देउवा अन्ततः गठबन्धनभित्रकै सहयात्रीबाट सहयोग नपाएपछि एमालेसँगको सहकार्यका लागि संवाद अगाडि बढाउन थालेका छन् ।

माओवादी केन्द्रले एमसीसीमा रहेका केही बुँदाहरु आपत्तिजनक रहेको बताउँदै यथास्थितिमा एमसीसी टेवुल गरिए सरकारबाटै बाहिरीने निर्णय गरेको छ भने एकिकृत समाजवादीका अध्यक्ष माधव कुमार नेपालले पनि बिहीवार पत्रकारहरुसँग कुराकानी गर्दै एमसीसीका विरुद्धमा मतदान गर्ने बताएका छन् ।