Sansar News
काठमाडौं । अमेरिकी सहयोग परियोजना एमसीसीका विषयमा सहमति जुटाउन बालुवाटारमा बसेको सत्तारुढ गठबन्धनको बैठक विना निष्कर्ष टुंगिएको छ ।
प्रधानमन्त्री निवास बालुवाटारमा बसेको पाँचदलीय गठबन्धनको बैठकमा एमसीसीका विषयमा सहमति जुटाउने प्रयास गरिए पनि सहमति जुट्न नसकेपछि भोली बिहान ९ बजे बस्ने गरी बैठक टुंगिएको नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ का स्वकीय सचिव रमेश मल्लले जानकारी दिएका छन् ।
उक्त बैठकमा माओवादी केन्द्रका अध्यक्ष प्रचण्ड र एकिकृत समाजवादीका अध्यक्ष माधव कुमार नेपालले एमसीसी टेबुल गर्नका लागि पहिलो संसद अवरोध हटाउनुपर्ने बताएका थिए ।
उनीहरुले एमसीसी टेवुल गर्नका लागि एमालेसँग संवाद गरेर संसद अवरोध हटाउनका लागि पहल गर्न समेत प्रधानमन्त्री समक्ष आग्रह गरेका थिए ।
गठबन्धनबीच सहमति नजुटेपछि नेपाली कांग्रेसले जसरी पनि भोली १ बजे बस्ने प्रतिनिधिसभाको बैठकमा एमसीसी टेवुल गर्ने भनिएपनि त्यो सम्भावना टरेको देखिन्छ । file photo
वि.सं.२०७८ फागुन ५ बिहीवार २०:१६ मा प्रकाशित
