हामी सबैकाे संसारन्यूज

काठमाडौं । नेकपा (एकिकृत समाजवादी) ले एमालेले संसद अवरोध नगरे एमसीसी सदनमा पेस गर्न दिने निर्णय गरेको छ ।

शनिवार नयाँ बानेश्वरमा बसेको एकिकृत समाजवादीको स्थायी कमिटीको बैठकले लामो समयदेखि अवरुद्ध रहेको सदन सुचारु भएमा एमसीसी पेस गर्न दिने निर्णय गरेको हो ।

पार्टीका प्रवक्ता जगन्नाथ खतिवडाले अवरोध हटे एमसीसी टेवुल हुने वातावरण बन्ने बताए । तर, संसोधन नगरी यथास्थितिमा एमसीसी पारित गर्न नसकिने पार्टीको अडान यथावत रहेको पनि उनले बताए ।

नेपाली कांग्रेसले अमेरिकी सहयोग परियोजना एमसीसी संसदमा टेवुल नगरी नछाड्ने अडान राखेको छ भने नेकपा (माओवादी केन्द्र) र एकिकृत समाजवादीले संशोधन नगरी यथास्थितिमा एमसीसी सम्झौता पारित नहुने अडान राख्दै आएका छन् ।

त्यसैगरी प्रमुख प्रतिपक्षी दल नेकपा एमालेले भने पहिले सत्तारुढ गठबन्धन दलभित्र एमसीसी सम्झौताबारे निर्णय नभएसम्म आफुले कुनैपनि निर्णय नलिने बताउँदै आएको छ ।