Sansar News
काठमाडौं । सत्तारुढ गठबन्धनभित्रै सहमति नजुट्दै संसदमा टेबुल भएको एमसीसी अब छिट्टै पारित हुने प्रधानमन्त्री शेर बहादुर देउवाले बताएका छन् ।
प्रतिनिधिसभाको बैठकमा एमसीसी टेवुल भएपछि संचारमाध्यमलाई प्रतिक्रिया दिँदै प्रधानमन्त्री देउवाले संचारकर्मीले एमसीसी कहिले पास हुन्छ भनेर गरेको प्रश्नमा अब पास हुने बताएका थिए ।
विभिन्न दलका सांसदहरुको विरोधका बाबजुद पनि आजको प्रतिनिधिसभाको बैठकमा सरकारका प्रवक्ता तथा संचारमन्त्री ज्ञानेन्द्र बहादुर कार्कीले एमससी टेवुल गरेका थिए ।
बैठकमा माओवादी केन्द्रका नेता देव गुरुङ, एमालेका नेता भिम रावल, नेमकिपाका प्रेम सुवाल र जनमोर्चाकी सांसद दुर्गा पौडेलले एमसीसी टेवुल गरिएकोमा आपत्ति जनाएका थिए ।
वि.सं.२०७८ फागुन ८ आइतवार १५:०४ मा प्रकाशित
