Sansar News
काठमाडाैं । साताको पहिलो दिन आइतबार सेयर बजार परिसूचक नेप्सेमा दोहोरो अंकको गिरावट आएको छ ।
आज नेप्सेमा ३५ दशमलब ४० अंकले गिरावट आएर परिसूचक २६९३ दशमलब १० अंकमा कायम भएको हाे । कारोवार रकम भने झण्डै ४ अर्ब ८ करोड रुपैंया बराबरको भएको नेप्सेले जनाएको छ ।
सूचिकृतमध्ये २३० कम्पनीको कारोबार भएको आजको बजारमा अन्य समुह बाहेक सबै ११ कम्पनी उपसूचक समूहको कारोबार राताम्मे भएको थियो ।
पछिल्लो समय बढेर करिब २९४७ अंकमा पूगेको नेप्से क्रमशः ओरालो लाग्दै २६९३ अंकमा पुगेको छ ।
वि.सं.२०७८ फागुन ८ आइतवार १५:२९ मा प्रकाशित
