हामी सबैकाे संसारन्यूज

१० फागुन, काठमाडौँ । आइसिसी टी-२० विश्वकप ग्लोबल छनोट अन्तर्गतको यूएई विरुद्धको सेमिफाइनल खेलमा नेपालले टस हारेर पहिले बलिङ्ग गर्ने भएको छ ।

आइसिसी टी–२० विश्वकप क्रिकेट प्रतियोगितामा दोस्रो पटक स्थान सुरक्षित गर्न आज नेपालले युएईलाई हराउनै पर्ने छ । आजको खलेमा युएईलाई पराजित गरेमा नेपाल सन् २०१४ पछि दोस्रोपटक टी–२० विश्वकपमा पुग्नेछ ।

नेपालले आफ्नो प्लेइङ्ग-११ मा १ परिवर्तन गरेको छ । नेपालले कुशल मल्लको स्थानमा विवेक यादवलाई प्लेइङ्ग-११ मा मौका दिएको छ । यी दुई टिम बिचको खेल नेपाली समय अनुसार ३:४५ बाट सुर हुनेछ ।

यूएई विरुद्धको नेपालको प्लेइङ्ग-११:
कुशल भुर्तेल, आसिफ शेख, ज्ञानेन्द्र मल्ल, दीपेन्द्रसिंह ऐरी, आरिफ शेख, लोकेश बम, विवेक यादव, कमलसिंह ऐरी, सन्दीप लामिछाने, अविनाश बोहरा र जितेन्द्र मुखिया ।