Sansar News
काठमाडौं । प्रतिनिधिसभाको बैठक आज बस्दैछ ।
आज दिउँसो १ बजे बस्ने उक्त बैठकमा मिलेनियम च्यालेन्ज कर्पोरेसन (एमसीसी) नेपाल कम्प्याक्ट सम्झौताबारे छलफल हुने छ ।
संसद सचिवालयद्धारा बुधवार जारी गरिएको बैठकको सम्भावित कार्यसूचीमा अर्थमन्त्री जनार्दन शर्माले बैठकमा एमसीसी सम्झौता माथि छलफल गरियोस् भन्ने प्रस्ताव पेश गर्नेछन् ।
त्यसैगरी अर्को सम्भावित कार्यसूचीमा कानुन, न्याय तथा संसदीय मामिला मन्त्री दिलेन्द्र प्रसाद बडुले महान्यायाधिवक्ताको वार्षिकप्रतिवेदन र आर्थिक वर्ष २०७७÷७८ पेश गर्ने रहेको छ ।
सत्तारुढ गठबन्धनभित्रै असहमति र व्यापक विरोधका बाबजुद अन्नतः एमसीसी सम्झौता गत आइतवार सूचना तथा संचारमन्त्री ज्ञानेन्द्र बहादुर कार्कीले एमसीसी सम्झौता संसदमा पेस गरेका छन् । सोहि सम्झौता संसदबाट पारित गर्नका लागि आजको प्रतिनिधिसभाको बैठकमा छलफल गरिनेछ ।
वि.सं.२०७८ फागुन १२ बिहीवार ०९:२५ मा प्रकाशित
