हामी सबैकाे संसारन्यूज

काठमाडौं । रुस–यूक्रेनबीचको लडाईँ गम्भीर मोडमा पुगेको छ । रुसी सेनाले गरेको आक्रमणबाट यूक्रेनमा सय बढी मानिसले ज्यान गुमाएसकेका छन् । यूक्रेनका राष्ट्रपति बताएअनुसार रुसी सेनाको आक्रमणमा परि हालसम्म १३७ जनाले ज्यान गुमाइसकेका छन् ।

अन्तराष्ट्रिय सञ्चार माध्यमले जनाएअनुसार रुसी सेना अहिले तीन तिरबाट यूक्रेन प्रवेश गरिरहेको छ । रुसी सेना राजधानी कीभलाई कब्जा गर्ने तयारीमा छ । कीभको बाहिर रुसी सेना र यूक्रेनी सेनाबीच लडाईँ चलिरहेको छ ।

यसबीच रुसी सेनालाई रोक्न यूक्रेनले आफ्नो कीभ प्रवेश गर्ने मुख्य तीन पुल उडाइदिएको छ । पुल उडाइदिएसँगै रुसी सेनालाई प्रवेश गर्न कठिन भएको छ । रुसी सेना कीभबाट ३२ किलोमिटर टाढा रहेको बताइएको छ ।

आत्मसमर्पण गर्न रुसी सेनाको चेतावनी

रुसले युक्रेनी सेनालाई आत्मसमर्पण गर्न चेतावनी दिएको छ । तर, युक्रेनले आत्मसमर्पण गर्न अस्वीकार गरिरहेको छ ।

यूक्रेनले आत्मसमर्पण गर्न अस्वीकार गरेसँगै रुसले राजधानी किभमा लगातार हवाई हमला गरेको छ । कीभको आवासीय क्षेत्रमा शुक्रबार मात्रै लगातार ६ वटा ठूला विष्फोट भएका थिए ।