Sansar News
काठमाडौं । एमसीसी पारित गर्ने सरकारको तयारीप्रति मोहन वैद्य ‘किरण’ र नेत्रविक्रम चन्द ‘विप्लव’सहित ६ दल र २ मोर्चाद्धारा भाली (सोमबार) नेपाल बन्दको घोषणा गरेका छन् ।
गठबन्धन सरकारले एमसीसी पारित गर्ने तयारी गरेको विरोधमा दलहरुले संयुक्त रुपमा नेपाल बन्दको घोषणा गरेका हुन् ।
नेपाल बन्दको घोषणा गर्नेमा वैद्य नेतृत्वको नेकपा (क्रान्तिकारी माओवादी) र विप्लव नेतृत्वको नेपाल कम्युनिष्ट पार्टीसहित नेपाल कम्युनिस्ट पार्टी (मसाल), नेकपा माओवादी केन्द्र समाजवादी, नेपाल कम्युनिस्ट पार्टी, वैज्ञानिक समाजवादी कम्युनिस्ट पार्टी नेपाल, देशभक्त जनगणतान्त्रिक मोर्चा नेपाल र राष्ट्रिय जनमोर्चा रहेका छन् ।
संयुक्त विज्ञप्तिमा नेपालका क्रान्तिकारी, देशभक्त,प्रगतिशिल राजनैतिक शक्ति र नेपाली जनताले राष्ट्रिय रुपमा अस्वीकृत, विरोध र देशव्यापी जनसंघर्ष गर्दा गर्दै पनि देउवा सरकारले रातारात एमसीसी कम्प्याक्ट पारित गर्ने मुर्खता गरिरहेको नेपाल बन्दको घोषणा गरिएको बताइएको छ ।
यसैगरी, छ राजनीतिक पार्टी र दुई मोर्चाले भोलि ।फागुन १६गते को नेपाल बन्द तागतका साथ सफल पार्न देशभक्त, वामपन्थी, प्रगतिशिल, सच्चालोकतन्त्रवादीहरु लगायत आमजनसमुदायमा विनम्र अनुरोधसमेत गरेका छन ।
यस्तो छ विज्ञप्ति
वि.सं.२०७८ फागुन १५ आइतवार २०:४६ मा प्रकाशित
