Sansar News
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एमसीसी अनुमोदनको विरोध गर्ने नेता नारायणकाजी श्रेष्ठको आलोचना गरेका छन् । सोमबार आफ्नै निवासमा पत्रकार सम्मेलन आयोजना गर्दै उनले नारायणकाजीलाई जनता र कार्यकर्ताले साथ नदिने बताए ।
नेता श्रेष्ठलाई पार्टीभित्र मात्रै फरक मत राख्न भनेको तर, श्रेष्ठले त्यसलाई उल्लंघन गरेको प्रचण्डको भनाई छ । महाकाली सन्धीलाई सम्झिँदै एमसीसीको विरोध गर्दैमा माओवादीका कार्यकर्ता नारायणकाजीको पछाडी नजाने बताए। उनले महाकाली सन्धीका बेलामा वामदेव गौतमले विपक्षमा उभिएर पार्टी फुटाएको भए पनि पछि चुनावमा एक सिट पनि नआएको स्मरण गराए।
“मतभेद राख्ने अधिकार हुन्छ पार्टीमा सबैको एक मत त हुन्न। तपाईं केन्द्रीय कमिटीमा राख्नुस भने। उहाँलाई बाहिर नभन्नुस भने। तर उहाँले बाहिर राख्नुभयो। उहाँलाई यसो गर्दा पार्टीका सबै कार्यकर्ता म तिर आउछन् जस्तो लागेको छ। यदि त्यसो भएको भए महाकाली सन्धीमा वामदेव झण्डै आधा कार्यकर्ता लिएर जानुभयो तर पछि चुनावमा एक सिट पनि आएन”, प्रचण्डले भने।
नेता श्रेष्ठले व्याख्यात्मक घोषणासहित एमसीसी पारित गरेकोमा विरोध जनाएका थिए । उनले एमसीसी पारित भएको दिनलाई ‘कालो दिन’को संज्ञा दिएका थिए ।
सम्बन्धित समाचार
वि.सं.२०७८ फागुन १६ सोमवार १६:२१ मा प्रकाशित
