Sansar News
काठमाडौं । नेपालमा आज १८० जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ८,३४१ नमुना परीक्षणमा १८० जना कोरोना संक्रमित थपिएका हुन् ।
आज थपिएका १८० जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ४५ पुगेको छ । ती मध्ये आज निको भएका ४०० जनासँगै हालसम्म निको हुनेको ंसंख्या ९ लाख ५६ हजार ४१३ पुगेको छ ।
पछिल्लो २४ घण्टामा १ जना कोरोना संक्रमितको मृत्यु भएको छ । यो संगै कोरोनाबाट ज्यान गुमाउनेको संख्या ११ हजार ९३६ पुगेको छ ।
त्यसैगरी नेपालमा हाल ८ हजार २३५ जना कोरोनाका सक्रिय संक्रमित रहेकामा ८ हजार २१ जना होम आइसोलेशन र २१४ जना संस्थागत आइसोलेशनमा रहेका छन् । साथै ८० जना आइसीयु र ६ जना भेन्टिलेटरमा उपचाररत छन् ।
त्यसैगरी नेपालमा थप १ लाख ४१ हजार १२१ जनाले कोरोनाविरुद्धको खोप लगाएका छन् ।
यो संगै नेपालमा हालसम्म ३ करोड ७१ लाख २५ हजार ७३२ मात्रा कोरोनाविरुद्धको खोप लगाइएको छ । जसमा १ करोड ८४ लाख ८८ हजार ३० जनामा पहिलो मात्रा र १ करोड ७४ लाख ९० हजार ४७३ जनाले दोस्रो मात्राको खाप लगाएको मन्त्रालयले जनाएको छ ।
त्यसैगरी हालसम्म ११ लाख ४७ हजार २२९ जनामा अतिरिक्त मात्राको खोप लगाइएको छ ।
वि.सं.२०७८ फागुन १६ सोमवार १६:३२ मा प्रकाशित
