हामी सबैकाे संसारन्यूज

काठमाडौं ।  बालुवाटारमा रहेको बालुवाटार इभेन्ट प्यालेसले स्प्रिङ फिस्ट २०२२ सन्चालन गर्ने भएको छ ।
यहि फागुन २१ गते शनिबार अर्थात ५ मार्च २०२२ मा उक्त इभेन्टको आयोजना गर्न लागिएको प्यालेसका सञ्चालक तथा फिस्टका आयोजकले बताएका छन् ।

कार्यक्रममा ३५ स्टल रहने छन् । स्टलमा साना व्यवसाय सन्चालन गर्ने विभिन्न किसिमका व्यवसायीहरुले भाग लिने आयोजकले जनाएको छ ।

जसमा प्रायजसो अनलाइन मार्फत व्यवसाय गर्ने सबै प्रकारका व्यवसायीहरु रहनेछन् । यसका अलवा बालबालिकाहरुका लागि खेलकुद र फेसपेन्टको पनि स्टल राखिएको इभेन्टलाई आकर्षक बनाउने तयारी भएको आयोजकले जनाएको छ ।

यो कार्यक्रमले जाडो याम समाप्ति संगै वसन्त ऋतुको आगमन हुँदै गर्दा स्टक रहेका साना व्यवसायीहरुलाई स्टक क्लियर गर्न तथा आफ्नो व्यवसायलाई थप विस्तार गर्न सहयोग पुग्ने अपेक्षा आयोजकले गरेको छ । कार्यक्रममार्फत व्यवसायीहरुले आफ्नो व्यवसायको थप बजार विस्तार गर्ने र ग्राहकहरुले शनिवारको दिनमा विभिन्न प्रकारका नयाँ व्यवसाय तथा उत्पादनहरुसँग एकैदिन साक्षात्कार गरेर रिफ्रेस हुन सक्नेछन् ।

दुई वर्षअघि २०७६ मंसिरमा ६ जना यूवाहरुको समुह मिलेर सन्चालनमा ल्याएको बालुवाटार प्यालेस करिब ५ रोपनी क्षेत्रफलमा फैलिएको छ । स्थापनासंगै सो प्यालेसले कोरोना महामारीको चपेटामा परेको व्यवसायलाइ बचाउनको लागि नेपालमै पहिलो पटक ड्राइभ थ्रु मार्फत टेक अ वे एण्ड डेलिभरी सर्भिस सन्चालन गरेको थियो ।

२०० जनासम्म अट्ने मिटीङ हल, सेमिनार, टेक अ वे सेवा, सामाजिक, व्यवसायीक तथा विभिन्न प्रदर्शनी गर्न सकिने यो प्यमलेको क्षमता ५ हजारको रहेको छ, यसका साथै एक सय कार र २५० मोटरसाइकल पार्किङ गर्न मिल्नेठाउँ रहेको छ । नेपाली, चाइनिज, इण्डियन लगायत ग्राहकहरुको अर्डरअनुसार खानेकुराहरुको व्यवस्था गर्ने विशेषता सहित ठुलो ओपस स्पेशको भिन्नै विशेषता प्यालेसमा रहेको छ ।