हामी सबैकाे संसारन्यूज

काठमाडौं । रुस र युक्रेनबीच विगत १० दिनदेखि युद्ध चलिरहेको छ । पुटिन र जेलेन्स्की दुवै पछि हट्न तयार छैनन्। हरेक दिन खतरा बढ्दै गएको छ ।

भीषण लडाइँको बीचमा युक्रेनका जनता आफ्नो देश र घर छाडेर आफ्नो ज्यान जोगाउन छिमेकी मुलुकमा शरण लिइरहेका छन् । कतिपय मातृभूमिको रक्षाका लागि भन्दै हतियार पनि उठाइरहेका छन् ।

Talking to @andersoncooper about Ukraine tonight on @AC360.
Thanks to @Netflix Winter on Fire: Ukraine’s Fight for Freedom is available for free everywhere on YouTube now. Find it here: https://t.co/VgdLUvYjhF

— Sean Penn (@SeanPenn) March 5, 2022

‘दोस्रो विश्वयुद्धको सम्झना गराइदियो’

हलिउड अभिनेता तथा निर्देशक सिन पेनले दोस्रो विश्वयुद्धको ७७ वर्षपछि यो त्रासदीलाई विश्वसामु ल्याउन युक्रेनमा डकुमेन्ट्री बनाउँदै थिए । युद्धको बीचमा युक्रेनमा रहँदा, अभिनेताले त्यहाँको अवस्थालाई नजिकबाट नियाले र थाहा पाए। तर, खतरा बढ्दै गएपछि उनी युक्रेनबाट फिर्ता भए ।

स्वदेश फर्किएर उनले एक अन्तर्वार्तामा युक्रेनको अवस्थाबारे विस्तृत जानकारी दिएका छन्। हलिउड अभिनेताले युक्रेनी राष्ट्रपति भोलोडिमिर जेलेन्स्कीको साहसको प्रशंसा गरेका छन् ।

आक्रमणको अघिल्लो दिन जेलेन्स्कीलाई भेट्ने र हमलाको दिनमा फेरि भेट्ने अभिनेता भन्छन्, “मलाई थाहा छैन कि उनी यसका लागि जन्मेका थिए कि भनेर। उनले पूरै युक्रेनलाई जो साहस, मर्यादा, प्रेमले एकताबद्ध गरेका छन्, त्यो नयाँ थियो। म उनीबाट गहिरो प्रभावित छु र युक्रेनका लागि डराएको छु।”

युक्रेनका जनता सबैकुरा छाडेर आफ्नै देश छाडेर गएको दुःखत कुरा उनले बताए । हजारौं मानिसहरूले आफ्नो ठूलो जागिर र बैंक खाताहरू छोड्दै छन्। यस्तो देखिन्छ कि राष्ट्रपति पुटिनले अझै युद्ध समाप्त गर्न लागेका छैनन्। एजेन्सीबाट