Sansar News
दमौली । नेपाली कांग्रेसका वरिष्ठ नेता रामचन्द्र पौडेलले मानिसलाई गाउँमै बसुँबसुँ लाग्ने बनाउनु पर्ने बताएका छन्। व्यास नगरपालिकाले अन्तर्राष्ट्रिय नारी दिवसको अवसरमा आज आयोजना गरेको महिला हाफ म्याराथनको व्यास नगरपालिका-११ तनहुँसुरमा समापन गर्दै वरिष्ठ नेता पौडेलले यस्तो बताएका हुन् ।
वरिष्ठ नेता पौडेलले गाउँमै रोजगारी सिर्जना गरेर मानिसलाई गाउँमै बसुँबसुँ बनाउनुपर्ने बताउँदै रोजगारी र सेवासुविधाको खोजीमा सहर झरेकालाई अब गाउँमै फर्काउनुपर्नेमा जोड दिए ।
वरिष्ठ नेता पौडेलले तनहुँसुर ऐतिहासिक ठाउँ रहेकाले यसको विकास गर्नुपर्ने बताउँदै कुनै जमानामा चहलपहल रहेको तनहुँसुर विस्तारै ओझेलमा परेपनि विकासको क्रमले पुनः यो ठाउँ चहलपहल हुने दिशामा अगाडि बढेको समेत बताएका छन् ।
वि.सं.२०७८ फागुन २४ मंगलवार १५:३० मा प्रकाशित
