Sansar News
काठमाडौं । नेकपा (माओवादी केन्द्र)बाट निर्वाचित मोरङको रंगेली नगरपालिकाका मेयर र उपमेयर नै एमालेमा प्रवेश गरेका छन् । बुधबार एमाले अध्यक्ष केपी शर्मा ओलीको प्रमुख आथित्यतामा आयोजित पार्टी प्रवेश कार्यक्रममा रंगेलीका मेयर दिलिप कुमार अग्रवाल र उपमेयर केशव कुमार खनाल एमाले प्रवेश गरेका हुन् ।
बताइएअनुसार रंगेलीका मेयर र उपमेयरसहित माओवादी केन्द्रबाट निर्वाचन वडा नम्बर ७ का अध्यक्ष रामचन्द्र मण्डल र वडा नम्बर १ का महेशकुमार खनालपनि एमाले प्रवेश गरेका छन् ।
मेयर र उपमेयर एमाले प्रवेश गरेसँगै रंगेलीमा माओवादी केन्द्र निकै कमजोर बन्न पुगेको बताइएको छ । रंगेली माओवादी बिहीन भएको एमाले नेताहरुको प्रतिक्रिया छ ।
वि.सं.२०७८ फागुन २५ बुधवार १५:२४ मा प्रकाशित
