हामी सबैकाे संसारन्यूज

काठमाडौं । उद्यमहरुलाई ग्राहकका कागजातहरुबाट स्वचालित निर्णयहरु गर्न मद्दर्ने ‘डकसुमो’ एक डकुमेन्ट एआई स्टार्टअपले हालै बीजपुँजीमा ३.५ मिलियन डर (करिब ४३ करोड रुपैयाँ) उठाएको छ ।

सो कम्पनी युवा नेपाली डाटा वैज्ञानिकबाट उद्यमी बनेका विक्रम दाहाल र उनका भारतीय समकक्षी रुषभ सेठले सन् २०१९ जनवरीमा सहस्थापना गरेका थिए। स्टार्टअपको मूल प्रविधि नेपालका स्वदेशी डाटा वैज्ञानिक र इन्जिनियरहरुद्वारा सञ्चालित छ ।

जसले व्यवसायहरुलाई वित्तीय कागजातहरु स्वचालित रुपमा पढ्न र त्यसका आधारमा निर्णय गर्न मद्दत गर्नेछ । फिफ्ट वाल, आरबोर रियलटी ट्रस्ट र वर्तमान लगानीकर्ता बेटर क्यापिटलको सहभागितामा कमन ओसनद्वारा राउन्डको नेतृत्व गरिएको थियो। स्टार्टअपले नयाँ कोषलाई नेपाल र भारतमा आफ्नो बढ्दो कर्मचारी टिमलाई विस्तार गर्न र उत्तर अमेरिकी बजारमा आफ्नो ग्राहक आधार बढाउन नयाँ कोष प्रयोग गर्ने योजना बनाएको छ ।

विक्रम डेटा एन्ट्री क्लर्क थिए र उनले प्रत्यक्ष रुपमा नै म्यानुअल एन्ट्री गर्न कति गाह्रो र दिक्कलाग्दो हुन्छ भनेर अनुभव गरेका थिए ।
वास्तवमा अधिकांश कागजात मिलाउने प्रक्रिया एसियाली देशहरु जस्तै भारतमा आउटसोर्स गरिन्छ, जहाँ ठूलो संख्यामा मानिसहरु वित्तीय सेवाहरुका लागि आवेदनहरु प्रक्रिया गर्छन् । टिमले मानिसले गर्ने मुख्य पक्ष–टेक्स्ट पढ्नेलाई स्वचालित गर्न मेसिन लर्निङ प्रविधि लागू गर्दैछ ।

लगानीबारे टिप्पणी गर्दै विक्रमले भने, ‘हामीलाई पहिलो दिनदेखि नै नेपालबाट ग्लोबल सास सफ्टवेयर बनाउन सकिन्छ भन्ने विश्वास थियो। हामीसँग हाल काठमाण्डौमा २५ डाटा साइन्टिस्ट र इन्जिनियरहरु काम गरिरहेका छन् । हामी यो वर्षको अन्त्यसम्ममा यो संख्या १०० पुग्ने योजनामा छौँ। हाम्रो उद्देश्य नेपाललाई इजरायलजस्तै टेक्नोलोजी हब बनाउन मद्दत गर्ने हो ।’

पछिल्लो १२ महिनामा डकसुमोले मुम्बई र काठमाण्डौमा आफ्नो टिम बढाएको छ र ६ गुणा आयवृद्धि अनुभव गरेको छ । यसले हाल संयुक्त राज्य अमेरिका, ईयू र एसियाका प्रमुख उद्यमहरुलाई सेवा दिन्छ ।

यस नयाँ लगानीसँगै डकसुमोले थप प्रयोगका केसहरु–ग्राहक अनबोर्डिङ, आम्दानी प्रमाणीकरण, वित्तीय ठगी पत्ता लगाउने, अन्डरराइटिङका लागि डेटा र विश्लेषकहरुले हाल ह्यान्डल गरेका अन्य महत्वपूर्ण, दैनिक कार्यहरु समेट्नका लागि आफ्ना उत्पादनहरु बढाउने योजना बनाएको छ ।

कोभिडले उद्यम स्वचालन र व्यापारका प्रक्रियाहरुको थप एपीआई फिकेशनलाई अगाडि बढाएको छ, यी दुवै हाम्रो सफ्टवेयरलाई छिटो अँगाल्न सघाउ गर्ने उत्कृष्ट सहयोगी तत्वहरु हुन्’, रुषभले भने ।

….