Sansar News
नेपालगन्ज । नेपालगन्ज उपमहानगरका बुद्दिजीवीहरुले नेपाल वुद्दिजीवी संगठन नेपालगन्ज उपमहानगर समिति निर्वाचित गरेका छन् ।
नेपाल कम्युनिष्ट पार्टी (माओवादी केन्द्र) का केन्द्रीय सदस्य अन्जना चौधरीको प्रमुख आतिथ्यता तथा संगठनका आयोजक सदस्य मोहन अर्यालको उपस्थितिमा सम्पन्न सो भेलाले ११ सदस्यीय समिति निर्वाचित गरेको हो ।
कार्यक्रम संचालक मोहन विक्रम अर्यालका अनुसार गणेशमान केसी अध्यक्ष, खेम कुमारी न्यौपाने उपाध्यक्ष, भुवन गैरे सचिव र शान्ता पोखरेल कोषाध्यक्ष रहेको सो समितिले नगरका सबै वडामा संगठन अभियान चलाउने प्रतिबद्धता व्यक्त गरेको छ ।
आयोजक सदस्य मोहन अर्यालका अनुसार सबै पालिकामा समिति गठन पश्चात जिल्ला सम्मेलन भव्यताका साथ आयोजना गरिनेछ ।
टोखामा बैठक
नेपाल बुद्दिजीवी संगठन बाग्मती प्रदेश सचिव भरत गौतमका अनुसार काठमाडौं जिल्लाको टोखा नगरपालिका समितिको बैठकले समसामयिक राजनीतिको विश्लेषण तथा निर्वाचनमा बुद्दिजीवीहरुको भूमिकाका विषयमा छलफलसहित बैठक सम्पन्न भएको छ ।
बाबुराम घिमीरेको अध्यक्षतामा सम्पन्न सो बैठकमा संगठनका बाग्मती प्रदेश इन्चार्ज भीमसेन गौतमको प्रमुख आतिथ्यता र स्थानीय माओवादी नेता रतन परियारको आतिथ्यता रहेको थियो ।
वि.सं.२०७८ फागुन २९ आइतवार १६:४२ मा प्रकाशित
