हामी सबैकाे संसारन्यूज

काठमाडौं । लोकसेवा आयोगले तीनसय स्टाफ नर्स पदपूर्तिका लागि सूचना जारी गरेको छ ।

बुधबार जारी सूचना अनुसार यहि फागुन १६ गते बसेको मन्त्रिपरिषद्को बैठकको निर्णयअनुसार ‘नेपाल स्वास्थ्य सेवा, जनरल नर्सिङ्ग समूह, पाँचौ तह, स्टाफ नर्स पदको ३०० दरबन्दी तत्काल पदपूर्ति गर्न अनुरोध गरिएकोले लोकसेवा आयोगको चैत १ गतेको निर्णय अनुसार उक्त पदमा खुला तथा समावेशी प्रतियोगितात्मक परीक्षाद्धारा पूर्ति गर्न विज्ञापन प्रकाशन गरिएको हो ।

सूचना अनुसार खुलातर्फ १६५, महिलातर्फ ४५, आदिवासी/जनजातितर्फ ३६, मधेसीतर्फ २९, दलिततर्फ १३, अपाङ्गमा ७ र पिछडिएको क्षेत्रमा ५ जना गरी ३०० जना स्टाफ नर्सको माग गरिएको हो ।

योग्यता पुगेका इच्छुक व्यक्तिले आयोगको  psconline.psc.gov.np मार्फत चैत २२ गतेसम्म र दोब्बर दस्तु तिरेर चैत २९ गतेसम्म आवेदन दिन सक्नेछन् ।