हामी सबैकाे संसारन्यूज

काठमाडौं । रुस र युक्रेनबीचको युद्धको आज २१ औं दिन हो । यसबीचमा दुई देशबीच अहिलेसम्म पटकपटक वार्ता भइसकेको भएपनि युद्ध अन्त्यका लागि सहमति जुट्न सकेको छैन ।

लामो युद्धको कारण रुसको सैन्य उपकरण र गोलाबारुद द्रुत गतिमा समाप्त हुँदैछ। अमेरिकी पूर्व सैन्य अधिकारीले रुससँग केही दिनको मात्रै गोलाबारूद बाँकी रहेको दाबी गरेका छन् ।

यसैबीच युक्रेनलाई समर्थन गर्न यूरोपियन यूनियनको तर्फबाट तीन देश पोल्याण्ड, चेक रिपब्लिक र स्लोभेनियाका प्रधानमन्त्री मंगलबार युक्रेनको राजधानी पुगेका छन् । जब यी राजनीतिज्ञहरू कीभमा उपस्थित थिए, सेनाले कीभ नजिकैका क्षेत्रमा बमबारी गरिरहेको थियो।

रोयर्टसका अनुसार तीनै प्रधानमन्त्रीले करिब तीन घण्टा कीभमा बिताएका थिए । पोल्याण्डका प्रधानमन्त्री माटेउज मोराविस्कीले फेसबुकमार्फत आफूहरु कीभमा पुगेको जनाएका थिए । उनले रुसले युक्रेनमा लगातार आक्रमण गरिरहेको पनि बताएका थिए। उनले यो त्रासदी रोक्न सक्दो प्रयास गरिरहेका बताउँदै र यसै सम्बन्धमा आफुँहरु कीभ पुगेको बताएका थिए ।

तीनै देशका प्रधानमन्त्रीहरुले रुससँगको युद्धमा यूक्रेन एक्लो नरहेको भन्दै सम्पूर्णं यूरोपेली देश साथमा रहेको बताएका थिए । उनीहरुले युद्धबाट पछाडि नह्टन पनि आग्रह गरेका छन् । तीनै देशका प्रधानमन्त्रीहरुले युरोपेली युनियनको तर्फबाट यूक्रेनलाई समथर्न रहेको जनाउ परेका छन् ।

युद्ध थप भनायक हुने संकेत

रुस–यूक्रेनबीचको युद्ध थप भयानक हुने संकेतहरु देखिन थालेका छन् । दुई देशको बीचमा भइरहेको युद्धमा क्रमशः अन्य मुलुकहरु पनि सहभागी हुँदै जान थालेसँगै यस्तो देखिएको हो ।

यूक्रेन युद्धमा युरोपेली यूनियनले स्पष्ट रुपमा सहभागिता जनाउन खोजेको छ । अहिलेसम्म अनौपचारिक रुपमा सहयोग गर्दै आएको इयुले योसँगै प्रत्यक्ष जोडिन खोजेको देखिन्छ । युद्धकै बीच भएको तीन देशको प्रधानमन्त्रीको यूक्रेन भ्रमणलाई सामान्य अर्थमा बुझ्न नसकिने सञ्चार माध्यमहरुको विश्लेषण छ । यसले क्रमशः युद्धलाई युरोप भरि विस्तार गर्ने र भयानक बनाउने सम्भावना बढाएको देखिन्छ ।