हामी सबैकाे संसारन्यूज

काठमाडौ । गैरआवासीय नेपाली संघ (एनआरएनए) को २४–२५ मा हुने निर्वाचनका लागि उम्मेदवारहरुको अन्तिम नावावली सार्वजनिक गरिएको छ ।

अध्यक्षमा वर्तमान उपाध्यक्ष डा. बद्री केसी र रबिना थापाबीच प्रतिश्प्रर्धा हुने देखिएपनि अध्यक्ष सहित विभिन्न पदका लागि दिइएका ६० उम्मेदवार मध्ये ३३ पदमा भने निर्विरोध निर्वाचित भएको देखिन्छ ।

त्यसैगरी एनआरएनएको ६ उपाध्यक्षमा ८ जनाको उम्मेदवारी परेको छ । जसमा डम्बर बहादुर (डि.बी) क्षेत्री, युवा उपाध्यक्षमा एनआरएनए अफ्रिकाका क्षेत्रिय संयोजक रोशन थापा, अष्ट्रेलियाबाट धर्मराज अधिकारी, बेलायतबाट डा.हेमराज शर्मा, कतारबाट राजेन्द्र कुमार शर्मा, जापानबाट टंक प्रसाद गैरे, जय प्रकाश गुरुङ र महिला उपाध्यक्षमा यासमीन बेगम साउदीले उम्मेदवारी दिएका छन् ।

निर्वाचन समितिद्धारा प्रकाशित उम्मेदवारको नामावली अनुसार महिला उपाध्यक्ष यासमीन वेगम र युवा उपाध्यक्ष रोशन थापा निर्विरोध निर्वाचित भइसकेका छन् । अन्य खुला ४ उपाध्यक्ष पदका लागि ६ जनाबीच प्रतिश्पर्धा हुने भएको हो ।

महासचिवमा अमेरिकाबाट गौरीराज जोशी र युकेबाट विनय अधिकारीबीच प्रतिश्पर्धा हुने भएको छ ।

त्यसैगरी चार सचिवका लागि युकेबाट रामशरण सिंखडा, जापानबाट अजिव (ओम) गुरुङ, क्यानडाबाट चिरन्जीवि घिमीरे, अमेरिकाबाट शंकर खड्का, अष्ट्रेलियाबाट अभिमान सिंह बस्नेतबीच प्रतिश्पर्धा हुने भएको छ भने एक महिला सचिवमा हङकङबाट राधिका गुरुङ निर्विरोध निर्वाचित भएकी छन् ।

कोषाध्यक्षमा बेल्जियमबाट लोक प्रसाद दाहाल र नेदरल्याण्डबाट फडिन्द्र पन्तबीच प्रतिश्पर्धा हुने भएको छ भने सहकोषाध्यक्षमा अमेरिकाबाट यमुना भट्टराई तथा दक्षिण कोरियाबाट यज्ञराज सुवेदी निर्विरोध निर्वाचित भइसकेका छन् ।

त्यस्तै संघको महिला संयोजकमा युकेमा रहेकी संगीता मरहठ्ठा र युवा संयोजकमा रविन्द्र खड्का निर्विरोध भइसकेका छन् ।

त्यसैगरी क्षेत्रिय सयोजकहरुमा मध्यपूर्वबाट राजेन्द्र अर्याल (जोन), एसिया प्यासेफिकबाट पारसमणि पोखरेल, युरोप क्षेत्रिय संयोजकमा सन्तोष कुमार भट्टराई अमेरिकाज क्षेत्रिय संयोजकमा प्रकाश सापकोटा र अफ्रिका क्षेत्रिय संयोजकमा राजकुमार थापा निर्विरोध निर्वाचित भएका छन् । ओसेनिया संयोजकका लागि लाल बहादुर केसी, दिपक शर्मा, दिनेश राज जोशीबीच प्रतिश्पर्धा हुने भएको छ ।

त्यस्तै क्षेत्रिय उपसंयोजकमा २ पद रहेको युरोप उपसंयोजकमा ललित कुमार न्यौपाने र नवराज रोस्यारा, अमेरिकाजमा अभिमन्यु बस्नेत र पुरुषोत्तम बोहोरा र ओसेनिया उपसंयोजकमा अशोक केसी र रामराज ओली निर्विरोध निर्वाचित भएका छन् । साथै मध्यपूर्वको दुई उपसंयोजक पदमा लालप्रसाद पुन, अमित राई, कृष्णबहादुर हमालबीच प्रतिश्पर्धा हुने भएको छ ।

क्षेत्रिय महिला संयोजकमा तृष्णा शर्मा अमेरिकाज, पान कुमारी मल्ल युरोप, शान्ति देवी अधिकारी एसिया प्यासेफिक, उषा किरण बरिया ओसेनिया र अफ्रिका संयोजकमा खेसना लिम्बू निर्विरोध निर्वाचित भएका छन् । साथै महिला संयोजकमा मध्यपूर्वबाट उम्मेदवारी नपरेको निर्वाचन समितिले जनाएको छ ।

त्यस्तै क्षेत्रिय युवा संयोजकमा किरण गुरुङ–युरोप, स्वराज खाती–अमेरिकाज, रोजनराज घिमीरे अफ्रिका र प्रदीप रुपाखेती ओसेनिया निर्विरोध निर्वाचित भएका छन् । युवा संयोजकमा मध्यपूर्व र एसिया प्यासेफिकबाट उम्मेदवारी परेको छैन । साथै क्षेत्रिय महिला उपसंयोजकमा इन्दिरा त्रिपाठी–अमेरिकाज, डा. इन्दिरा तिवारी एसिया प्यासेफिक र नुनिता सापकोटा युरोपबाट निर्विरोध भएका छन् । महिला उपसंयोजकका लागि ओसेनिया, अफ्रिका र मध्यपूर्वबाट उम्मेदवारी परेको छैन ।

त्यसैगरी क्षेत्रिय युवा उपसंयोजकमा रोर्बट लिम्बु युरोप र ईश्वर खत्री अमेरिकाज निर्विरोध निर्वाचित भएका छन् भने मध्यपूर्व, एसिया प्यासेफिक, अफ्रिका र ओसेनियाबाट कुनैपनि उम्मेदवारी परेको छैन ।