Sansar News
काठमाडौं । काठमाडौंबाट पोखरातर्फ जाँदै गरेका ३० वर्षीय कुलदेव कुमाल स्रोत नखुलेको २२ लाख रकमसहित पक्राउ परेका छन् ।
कास्की पोखरा महानगरपालिका–३० पावर हाउसस्थित सडकबाट स्रोत नखुलेको नगद २२ लाख रुपैयाँ सहित नवलपरासी (पश्चिम) सुस्ता गाउँपालिका–२ रुपौलिया बस्ने ३० वर्षीय कुमाललाई प्रहरीले पक्राउ गरेको हो ।
काठमाडौंबाट पोखरातर्फ जाँदै गरेको बा.३ ख ८६२१ नम्बरको बसलाई वडा प्रहरी कार्यालय गगनगौंडा कास्कीबाट खटिएको प्रहरीले शनिबार राति स्रोत नखुलेको नगद सहित उनलाई पक्राउ गरेको हो । प्रहरीले यसबारेमा थप अनुसन्धान गरिरहेको जनाएको छ ।
वि.सं.२०७८ चैत ६ आइतवार १६:०४ मा प्रकाशित
