हामी सबैकाे संसारन्यूज

काठमाडौं । ‘खल्ती’बाट निःशुल्क नेपालभरका सबै बैंक खातामा पैसा ट्रान्सफर गर्न सकिने भएको छ । पैसा ट्रान्सफरलाई अझै सजिलो र सरल बनाउन खल्ती डिजिटल वालेटले निःशुल्क बैंक ट्रान्सफर गर्न सकिने सुविधा ल्याएको हो । ‘खल्ती’ मार्फत प्रयोगकर्ताहरूले निःशुल्क कुनै पनि बैंक खातामा तत्काल पैसा पठाउन सक्ने छन् ।

यो अफर प्रयोगकर्ताहरूका लागि बैंक ट्रान्सफर प्रक्रियालाई सरल र सजिलो प्रक्रिया बनाउन खल्तीको प्रयासको एक हिस्सा हो । ‘खल्ती’ बाट प्रति कारोबार सीमा रकम रु. ५०,००० र प्रति दिन रु. १ लाख रहेको छ । तसर्थ, प्रयोगकर्ताहरूले सजिलैसँग यो रकम निःशुल्क कुनै पनि बैंकहरूमा ट्रान्सफर गर्न सक्नेछन् । यो अफर चैत्र ७ गते २०७९ देखि बैशाख ६, २०७९ गते सम्म लागु हुनेछ ।

यस सुविधाका बारेमा खल्तीका प्रमुख कार्यकारी अधिकृत विनय खड्का भन्छन्- “खल्ती सधैं प्रयोगकर्ताहरूको लागि सुविधा सहज र प्रभावकारी बनाउनमा विश्वास गर्दछ र यो अभियानले डिजिटल फन्ड ट्रान्सफर र प्रयोगकर्ताहरूको बचत गर्ने बानीलाई बढावा दिने अपेक्षा गरिएको छ ।”

www.khalti.com/app बाट खल्ती डाउनलोड गर्न सकिन्छ । अन्य थप जानकारीका लागि media@khalti.com मा इमेल गर्न सकिने छ ।