हामी सबैकाे संसारन्यूज

काठमाडौं । नेकपा (एमाले)ले स्थानीय तहको चुनावमा उम्मेदवार छान्ने विधि र मापदण्ड बनाएको छ । सोमबार बसेको पोलिट्ब्युरो बैठकले स्थानीय तहको चुनावका लागि उम्मेदवार तय गर्ने विधि र मापदण्ड बनाएको हो ।

एमालेले वडाध्यक्षदेखि महानगरको मेयरसम्मको लागि बेग्लाबेग्लै मापदण्ड बनाएको एमाले प्रचाव विभाग प्रमुख पृथ्वीसुब्बा गुरुङले जानकारी दिए । उनका अनुसार स्थानीय तहको वडाध्यक्ष र वडा सदस्यहरूको वडा कमिटीले सिफारिस गर्ने र त्यसको निर्णय पालिका कमिटीहरूले गर्ने जानकारी दिए ।

गुरुङका अनुसार गाउँपालिकाको अध्यक्ष र उपाध्यक्षको उम्मेदवार तय गर्न गाउँ कमिटीले सुझाव दिने र त्यसको आधारमा सम्बन्धित जिल्ला कमिटीले सिफारिस गरेपछि प्रदेश कमिटीले निर्णय गर्नेछ ।

गुरुङले बताएअनुसार नगरपालिकाको मेयररउपमेयरका हकमा पनि प्रदेश कमिटीले निर्णय गर्नेछ । त्यसैगरि उपमहानगरपालिका र महानगरपालिकाका मेयररउपमेयरबारे भने प्रदेश कमिटीको सिफारिसमा केन्द्रीय कमिटीले निर्णय गर्ने प्रचार विभाग प्रमुख गुरुङले जानकारी दिए ।

सम्बन्धित समाचार

एमाले बैठकमा घनश्याम र रघु पन्तको प्रस्ताव : वाम गठबन्धन गरौं