Sansar News
काठमाडौं । नेकपा (एमाले)का नेता घनश्याम भुसाल र रघु पन्तले चुनावी एकतालाई लिएर फरक मत राखेका छन् । एमालेको पोलिटब्यूरो बैठकमा दुई नेताले वामपन्थीहरुबीच गठबन्धन गर्नुपर्ने प्रस्ताव राखेका हुन् ।
बुहसंख्यक कार्यकर्ता र सदस्यहरुले चाहना र समयको आवश्यकता रहेको भन्दै नेताहरुले यस्तो प्रस्तावलाई अघि सारेका छन् । नेता भुसालले विभिन्न चार कारण देखाउँदै वाम गठबन्धनको आवश्यकता रहेको बताए । उनले एमाले वाम एकताको मूल प्रवाह भएकाले पहल आफैंले गर्नुपर्नें तर्क राखेका छन् ।
दुवै नेता १० बुँदे सहमति गरेर एमालेमा रहेका नेताहरु हुन् । यसअघि पनि १० बुँदे नेताहरुले अध्यक्ष केपी शर्मा ओलीलाई वामपन्थी एकताको पहल लिन सुझाब दिँदै आएका छन् ।
तर, एमालेका अन्य नेताहरुले भने तत्कालै वामपन्थीबीच सहकार्य सम्भव नरहेको तर्क गरेका छन् । नेताहरुले माओवादी केन्द्र र एकीकृत समाजवादीसँग चुनावी तालमेल गरे पनि घाटा हुने तर्क गरे ।
वि.सं.२०७८ चैत ७ सोमवार १६:१६ मा प्रकाशित
