हामी सबैकाे संसारन्यूज

काठमाडौं । रुसले २४ फेब्रुअरीमा युक्रेनमा पहिलो आक्रमण गरेको थियो । त्यसयता यो युद्ध खतरनाक बन्दै गएको छ । ३२ दिनको युद्धपछि पनि रुसले युक्रेनमा विनाश मच्चाइरहेको छ । आइतबार उसले युक्रेनको मारियुपोल र लाभिलमा मिसाइल आक्रमण गरेको थियो।

आइतबारको आक्रमणपछि युक्रेनी राष्ट्रपति भोलोडिमिर जेलेन्स्कीको बयान बाहिर आएको छ । युरोपेली देशहरुको आलोचना गर्दै उनले रुसको मिसाइललाई मेसिन गन र शटगनले सामना गर्न नसक्ने बताएका छन् । “हामी हतियारको पर्खाइमा थकित छौं”, जेलेन्स्कीले भनेका छन् ।

मारियुपोल बचाउन सम्भव छैन

राष्ट्रपति जेलेन्स्कीले अब मारियुपोललाई बचाउन सम्भव नभएको बताएका छन् । रुसले क्षेप्यास्त्र प्रयोग गर्दै ठूला आक्रमण गरिरहेका बेला उनले यस्तो घोषणा गरेका हुन् । राष्ट्रपति जेलेन्स्कीले रुसलाई रोक्न ट्याङ्क र विमान चाहिने बताए ।

पोल्याण्डका राष्ट्रपति एन्ड्रेजेज डुडसँगको भर्चुअल भेटमा जेलेन्स्कीले युक्रेनले पोलिश मिग-२९ जेट नपाएकोमा आफू निराश बताए ।

जेलेन्स्कीले फेरि गरे वार्ताको प्रस्ताव

यी आक्रमणपछि युक्रेनी राष्ट्रपति भोलोडिमिर जेलेन्स्कीले फेरि वार्ताको प्रस्ताव गरेका छन् । यो विनाश रोक्न अब वार्ताको बेला आएको उनले बताए । उनले रुसले आफ्नो गल्ती सच्याएन भने आगामी पुस्ताले यसको परिणाम भोग्नुपर्ने बताए ।

रुसले तेल आक्रमण गर्ने संकेत दिएको थियो

युद्धको बिचमा शनिबार रुसले युद्ध सम्बन्धी आफ्नो रणनीति परिवर्तन गरिरहेको संकेत आएको थियो । रुसी सैन्य अधिकारीले यूक्रेनमा पहिलो चरणको युद्ध सफलतापूर्वक सकिएको भन्दै दोस्रो चरण सुरु गरेको बताएका थिए ।

रुसी अधिकारीहरुले दोस्रो चरणको युद्ध केही फरक हुने संकेत गरेका थिए ।

रुसी अधिकारीहरुले अबको लक्ष्य डोनभास क्षेत्र पूर्णं नियन्त्रण गर्ने रहेको बताएका छन् । रुसले पृथकतावादी आन्दोलन चलिरहेको क्षेत्रलाई स्वतन्त्र बनाउने गरि सहयोग गर्ने तयारी गरेको छ । साथै, यूक्रेनसँग हतियार सकिएको निष्कर्षसहित ठूला आक्रमण गर्ने तयारी पनि रुसको छ । एजेन्सीको सहयोगमा