हामी सबैकाे संसारन्यूज

काठमाडौं । चीन लगायतका देशहरुमा उच्च शिक्षा अध्ययन गर्ने क्रममा कोरोना महामारीका कारण देश फर्किएर पुनः अध्ययनका लागि जान नपाएका विद्यार्थीहरुलाई चैत मसान्तसम्म निवेदन दिन आग्रह गरिएको छ ।

शिक्षा विज्ञान तथा प्रविधि मन्त्रालयले सोमबार एक सूचना जारी गर्दै महामारीको अवधिमा नेपाल फर्किनु परेका विद्यार्थीहरुले मन्त्रालयको वेवसाइट www.moest.gov.np मा राखिएको निवेदनको ढाचामा उल्लिखत विवरण खुलाई चैत २५ गतेसम्म मन्त्रालयको इमेल technicaleud@moest.gov.np मा निवेदन दिन अनुरोध गरिएको छ ।

चीन लगायतका देशमा अध्ययन गरिरहेका नेपाली विद्यार्थीहरु कोरोना महामारीका कारण नेपाल फर्किएका थिए । कोरोनाको पहिलो चरणको महामारीमा देश फर्किएका उनीहरु लामो समयसम्म पुनः अध्ययनका लागि सम्बन्धीत देश फर्किन पाएका छैनन् । उनीहरुले पटक–पटक पठनपाठनलाई निरन्तरता दिने वातावरण बनाइदिन सरकारसँग आग्रह गर्दै आएका छन् ।