हामी सबैकाे संसारन्यूज

मुगु संसार संवाददाता । नेपाली कांग्रेसको भातृ संगठन नेपाल बिधार्थी संघको जिल्ला संयोजकमा शोबिन्दबहादुर मल्ल र सांस्कृति संघ संयोजकमा रामदेबि खडकालाई मनोनित गरिएको छ ।

नेपाली कांगे्रस स्थानीयतह परिचालन समितिको निर्णय अनुसार शोबिन्दलाई नेबिसंघ जिल्ला संयोजक र रामदेबिलाई साँस्कृति संघको संयोजकमा मनोनित गरिएको कांग्रेस पार्टी सभापति ऐनबहादुर शाहीले जानकारी दिए ।

स्थानीय निर्बाचको लागि भातृ संघ÷संगठनलाई क्रियासिल बनाई परिचालन गर्ने उदेश्य बमोजिम मल्ल र खडकालाई पार्टीले जिल्ला संयोजकको जिम्मेवारी प्रदान गरेको सभापति शाहीको भनाई छ ।

पार्टीले मनोनित गरेका द्धय मल्ल र खडकाले स्थानीय निर्बाचनमा ठूलो भूमिका निर्बाह गर्ने बताएका छन् । संगठन सुदृढीकरण तथा परिचालनमा ध्यान दिने उनीहरुको भनाई छ । उनीहरुले पार्टीको सिद्धान्त र नीतिमा रहि काम गर्ने बताए ।

भातृ संगठनलाई चलायमान नबनाए सम्म स्थानीय निर्बाचनमा कांग्रेसलाई अप्ठेरो हुने भएकोले नेबिसंघ र साँस्कृति संघमा जिल्ला संयोजक तोकिएको पार्टी प्रबक्ता प्रकास कुमार शाहीले बताए ।

उम्मेद्धारले मतदाता समक्ष भोट माग्न जाँदा साँस्कृति कार्यक्रम पनि संगसंगै लैजानु पर्ने भएकोले साँस्कृति संघलाई पूर्णता दिनु पर्ने अबस्था आएको प्रबक्ता शाहीले जनाए ।

प्रबक्ता शाहीले भने–पार्टीले नेबिसंघ र साँस्कृति संघको जिल्ला संयोजकमा जुझारु युवालाई प्राथमिकता दिएको हुँदा समग्र पार्टीलाई हित हुने देखिन्छ । स्थानीय निर्बाचनलाई लक्षित गरि नेपाली कांग्रेस मुगुले पार्टीभित्र रहेका सबै बिभागका संयोजक र सदस्य मनोनितमा पूर्णता दिइएको पार्टी सचिव लोकेन्द मल्लले जानकारी दिए ।