Sansar News
काठमाडौं । नेपाल आयल निगमले पेट्रोलियम पदार्थको भाउ फेरि बढाएको छ ।
निगमका अनुसार पेट्रोलको भाउ प्रतिलिटर १६० रुपैयाँ पुगेको छ भने डिजेल र मट्टितेल १४३ रुपैयाँ प्रतिलिटर पुगेको छ । साथै हवाइ इन्धन (आन्तरिक) को प्रतिलिटर १५६ रुपैयाँ पुगेको छ ।
हवाइ इन्धन (अन्तर्राष्ट्रिय) तर्फ अमेरिकी डलर ५० ले वृद्धि गरी प्रतिकिलोलिटर १ हजार ५ सय ४५ कायम गरिएको सूचना जारी गरिएको छ ।
त्यस्तै यसअघि प्रति सिलिन्डर १५७५ रहेको एलपी ग्यासको मूल्य अब प्रति सिलिण्डर १६ सय रुपैयाँ तोकिएको छ ।
वि.सं.२०७८ चैत २३ बुधवार ०८:२० मा प्रकाशित
