Sansar News
काठमाडौं । शान्ति स्थापनार्थ कंगोको बालीमा खटिएका एक नेपाली सेनाको गोली लागेर मृत्यु भएको छ ।
प्रमुख सेनानी निकिल कुँवरको कमाण्डमा कंगोको इतुरी प्रदेशको डुगुटे क्षेत्रमा खटिएको नेपाली शान्ति सेनाको टोलीमाथि मंगलबार त्यहाँको बिद्रोही समुह कोडेको मिलिसियाले आक्रमण गरेको थियो । सोहि आक्रमणमा एक नेपाली सैनिकको मृत्यु भएको संयुक्त राष्ट्र संघले पुष्टि गरेको छ ।
संयुक्त राष्ट्र संघले आफ्नो आधिकारीक वेवसाइटमार्फत् नेपाली सैनिकको मृत्यु भएको पुष्टि गरेपनि मृत्यु भएका उनको पहिचान भने खुलाएको छैन ।
संयुक्त राष्ट्र संघका महासचिवले मृतक सैनिकमाथि श्रद्धान्जलि अर्पण गर्दै नेपाल सरकार, नेपाली सेना तथा सैनिकका परिवारप्रति समवेदन प्रकट गर्दै आक्रमणको निन्दा समेत गरेको छ ।
वि.सं.२०७८ चैत २३ बुधवार ०९:५५ मा प्रकाशित
