हामी सबैकाे संसारन्यूज

२३ चैत, काठमाडौँ । २०२२ को आईपिएलमा रोयल च्यालेन्जर्स बेङ्गलोरले लगातार दुई खेलमा जित हासिल गरेको छ । बेङ्गलोरले आफ्नो तेस्रो खेलमा राजस्थान रोयल्सलाई ४ विकेटले पराजित गर्दै लगातार दोस्रो जित हासिल गरेको हो ।

टस हारेर पहिले ब्याटिङ्ग गरेको राजस्थानले २० ओभरमा ३ विकेट गुमाएर १६९ रन बनाएको थियो । राजस्थानका लागि ब्याटिङ्गमा जस बटलरले सर्वाधिक ७० रनको पारी खेलेका थिए भने बेङ्गलोरका लागि बलिङ्गमा डेविड विलि, वानिन्दु हसरंगा र हर्षल पटेलले समान १/१ विकेट निकालेका थिए ।

राजस्थानले दिएको १७० रनको लक्ष्य बेङ्गलोरले १९.१ ओभरमा ६ विकेट गुमाएर पुरा गर्यो । बेङ्गलोरका लागि शाहबाज अहमदले सर्वाधिक ४५ रन बनाएका थिए । त्यसैगरी दिनेश कार्तिकले २३ बलमा ४४ रनको विस्फोटक पारी खेल्दैँ टिमलाई जित दिलाएका थिए । राजस्थानका लागि बलिङ्गमा युजवेन्द्र चाहलले सर्वाधिक २ विकेट हात पारेका थिए ।

जितसँगै बेङ्गलोर ३ खेलबाट ४ अकं जोड्दैँ अकं तालिकाको छैठौँ स्थानमा उक्लिएको छ ।