हामी सबैकाे संसारन्यूज

काठमाडौं । नेपाल बार एसोसिएसनको निर्वाचनमा सत्तारुढ गठबन्धनको तर्फबाट अध्यक्षका उम्मेदवार गोपालकृष्ण घिमिरेसहित प्यानलै निर्वाचित भएको छ । २६ औं केन्द्रीय कार्यसमितिको निर्वाचनबाट कांग्रेस निकट घिमिरेको प्यानलै निर्वाचित भएको हो । अध्यक्षमा निर्वाचित घिमिरेले ४ हजार ४७४ मत ल्याएका छन् ।

घिमिरेका प्रतिस्पर्धी नेकपा (एमाले) निकटका विष्णुमणि अधिकारीले २ हजार ४८२ मत ल्याएका छन् ।

निर्वाचनबाट गठबन्धन तर्फकै उम्मेदवार अन्जिता खनाल महासचिवमा, भरतबहादुर राउत कोषाध्यक्षमा निर्वाचित भएका छन् ।

त्यसैगरी प्रदेश नम्बर १ बाट उपाध्यक्षमा अधिवक्ता सुरज खत्री, मधेश प्रदेशबाट सुधीरकुमार कर्ण, बागमतीबाट हर्कबहादुर रावल, गण्डकीबाट वीरेन्द्र केसी, लुम्बिनीबाट पशुपति भण्डारी, कर्णालीबाट उत्तमप्रसाद आचार्य र सुदूरपश्चिमबाट तुलाराम गिरी निर्वाचित भएका छन् ।

महिला खुलातर्फबाट उपाध्यक्षमा आशा राई निर्वाचित भएकी छन् ।