Sansar News
लन्डन । मगर संघ युकेको अध्यक्षमा सिता पुन मगर निर्वाचित भएकी छन् ।
संस्थाको सातौं साधारणसभाबाट मगर संघ युुकेको इतिहासमा पहिलोपटक महिला नेतृत्व निर्वाचित भएकी हुन् । सिता मगर संघकी निर्वतमान वरिष्ठ उपाध्यक्ष हुन् ।
संघमा सर्वसम्मत नेतृत्व चयनको प्रयास गरिएको भएपनि अध्यक्षमा संघका उपाध्यक्ष राम गलामीले पनि उम्मेदवारी दिएपछि निर्वाचन प्रक्रियामार्फत् नेतृत्व चयन गर्नुपरेको थियो ।
निर्वाचनमा सीता पुनमगरले २१६ मत प्राप्त गरेर अध्यक्षमा विजयी बनेको छन् भने उनका प्रत्यासी राम गलामीमगरले २१३ मत प्राप्त गरेका थिए ।
त्यस्तै नयाँ कार्यसमितिको बरिष्ठ उपाध्यक्षमा लालबहादुर पुनमगर निर्वाचित भएका छन् भने उपाध्यक्षहरुमा क्रमशः रुद्र थापामगर, होम रोकामगर, महिला उपाध्यक्षमा निर्मला थापामगर, सचिबमा गुमानसिंह थापामगर र सह–कोषाध्यक्षमा थाम बहादुर रोकामगर निर्विरोध निर्वाचित भएका छन् ।
त्यस्तै सदस्यहरुमा रुकबहादुर आलेमगर, गोमानसिंह पुनमगर, सरला थापा रोकामगर, नुनु पाइजा मगर, टेन्याङ्ग (सरु) गुरुङ रानामगर, सुशिला मगर, रमेश दुरामागर, मोहन बहादुर थापामगर, किशोर रानामगर, नरेश थापामगर र बोधबिक्रम थापामगर निर्बिरोध निर्वाचित भएका छन् ।
अध्यक्षमा निर्वाचित मगरले, मगर समुदायको कला संस्कृति र रितिरिवाजलाई जोगाउँदै बेलायतमा रहेका सम्पूर्ण मगर समुदायका नेपालीहरुलाई सघंमा आबद्ध गराएर एकताबद्ध गराउँदै लैजाने प्रतिबद्धता व्यक्त गरेकी छन् ।
वि.सं.२०७८ चैत २७ आइतवार १३:३५ मा प्रकाशित
