हामी सबैकाे संसारन्यूज

काठमाडौं । रुस र युक्रेनबीचको युद्धको आज ४५ औं दिन हो । पछिल्ला दिनमा रुसले अहिले पूर्वी युक्रेनलाई निशाना बनाउन थालेको छ । यहाँका सहरहरूमा रुसले क्षेप्यास्त्रमार्फत आक्रमण गरिरहेको छ ।

यसैबीच, युक्रेनी राष्ट्रपति भोलोडिमिर जेलेन्स्कीले पूर्वी क्षेत्रमा रुससँग कडा लडाईका लागि आफू तयार रहेको बताएका छन् । कीभ पुगेका बेलायती प्रधानमन्त्री बोरिस जोनसनले युक्रेनलाई आर्थिक र सैन्य सहायताको नयाँ प्याकेज घोषणा गरेसँगै उनले यस्तो बताएका हुन् ।

युक्रेनी सैन्य अड्डा ध्वस्त

आइतबार रुसी विमानहरूले युक्रेनी सैन्य अड्डामा ठूलो क्षति पुर्याएको छ। मिडिया रिपोर्टका अनुसार, रुसी सैन्य युक्रेनी बख्तरबंद गाडीहरूले सुसज्जित काफिले आक्रमण गरी नष्ट गरेको छ। यद्यपी युक्रेनले भने यसको पुष्टि गरेको छैन ।

पुटिनले नियुक्त गरे नयाँ कमाण्डर

युक्रेनको राजधानी कीभ कब्जा गर्न असफल भएपछि र रुसले आफ्नो पूरा ध्यान पूर्वी युक्रेनमा केन्द्रित गरेको छ । रुसी राष्ट्रपति भ्लादिमिर पुटिन पूर्वी क्षेत्रमा कीभको गल्ती दोहोर्याउन चाहँदैनन्। यस्तो अवस्थामा उनले युद्धको नेतृत्व गर्ने जिम्मा दक्षिणी सैन्य कमाण्डका कमाण्डरलाई दिएका छन् । पुटिनले अलेक्जेन्डर ड्भोर्निकोभलाई नयाँ कमाण्डरको रुपमा नियुक्त गरेको रसीयन सञ्चार माध्यमले जनाएका छन् । एजेन्सीबाट