हामी सबैकाे संसारन्यूज

काठमाडौं । आजदेखि काठमाडौं उपत्यकासहित बागमती प्रदेशमा सार्वजनिक यातायातको भाडा वृद्दि गरिएको छ ।

बागमती प्रदेश श्रम, रोजगार तथा यातायात व्यवस्था मन्त्रालयद्धारा जारी सूचना अनुसार सार्वजनिक सवारी साधनमा पाँच किलोमिटरसम्मको दूरीका लागि २ रूपैयाँ बढेको छ भने २० किलोमिटरभन्दा धेरैका लागि ३ रुपैयाँ बढेको छ ।

त्यस्तै यसअघि ट्याक्सीमा २०० मिटरको भाडा १० रुपैयाँ बनाइएको छ भने प्रतीक्षा शुल्क प्रतिमिनेट १.२० रुपैया तोकिएको छ । साथै प्रतिक्षाको अधिकतम समय ३० मिनेट कायम गरिएको पनि सूचनामा उल्लेख छ ।

पछिल्लोपटक भाडा समायोजन गर्दा आधार मानिएको मूल्यको तुलनामा पेट्रोलियम पदार्थको बजार मूल्य ५ प्रतिशत वा सो भन्दा बढी वा घटी भएमा सोहि बोमिजम प्रदेशभित्र सन्चालन हुने सवारी साधनको भाडा समायोजन हुने सूचनामा उल्लेखछ ।